اسلام آباد(پی این ایچ) نیشنل سائبر کرائم انویسٹی گیشن ایجنسی (NCCIA) لاہور زون نے سوشل میڈیا پر ریاست مخالف سرگرمیوں پر علیمہ خان کو تفتیش کیلیے طلب کرتے ہوئے نوٹس جاری کردیا۔بانی پی ٹی آئی کی ہمشیرہ علیمہ خان کو 17 جولائی صبح 11 بج کر 30 منٹ پر NCCIA کے دفتر گلبرگ-II، لاہور میں ذاتی طور پر پیش ہونے کی ہدایت کی گئی ہے۔ذرائع کے مطابق علیمہ خان کی طلبی کا مقصد ان سے ان کے دفاع میں بیان ریکارڈ کروانا ہے اور انہیں 27 مئی 2025 کو درج ہونے والے مقدمے کی انکوائری پر طلب کیا گیا ہے۔ذرائع کے مطابق علیمہ خان پر الزام ہے کہ وہ سوشل میڈیا کے ذریعے ریاست مخالف سرگرمیوں میں ملوث رہی ہیں۔
