اسلام آباد(ویب ڈیسک)رہنما تحریک انصاف شاندانہ گلزار نے کہا ہے کہ گیلپ سروے والا ن لیگ کا ٹکٹ ہولڈرہے، اب جھوٹی باتوں کا چورن نہیں بکے گا۔نجی ٹی وی سے گفتگو کرتے ہوئے شاندانہ گلزار کا کہنا تھا کہ بانی نےکہا نومئی کےشواہد دیئےجائیں اور سیاسی قیدیوں کورہا کیا جائے، کون لوگ ہیں جو جیل جا کر بانی کی منتیں کر رہے ہیں۔انہوں نے کہا کہ عمران خان ان کی بات نہیں مان رہا اسی لیے انہیں سہولیات نہیں دی جا رہیں، یہ مسلسل بانی کو ڈیل کی آفر کر رہے ہیں، وہ کہتے ہیں ڈیل نہیں مذاکرات کروں گا۔رہنما تحریک انصاف کا کہنا تھا کہ عالیہ حمزہ پنجاب میں پارٹی کی ہیڈ ہیں،پارلیمانی پارٹی کی نہیں، علی امین گنڈا پورکی بات کی سب نےتائید کی تھی، جب تک بانی کوعلی امین گنڈا پورپراعتماد ہے وہ وزیراعلیٰ رہیں گے۔
