راولپنڈی(پی این ایچ)وفاقی دارالحکومت میں سوشل میڈیا کے غیرمناسب استعمال پر دو پولیس اہلکاروں کو معطل کردیا گیا۔اسلام آباد پولیس کے ڈی آئی جی نے سوشل میڈیا پلیٹ فارمز پر غیر پیشہ ورانہ اور غیر ذمہ دارانہ سرگرمیوں میں ملوث پائے جانے والے دواہلکاروں کو معطل کیا۔اسلام آباد پولیس کے دونوں اہلکار وردی میں غیر ذمہ دارانہ حرکات کرتے نظر آئے اور ان حرکات سے پولیس فورس کی ساکھ متاثر ہوئی، جس پر ڈی آئی جی نے سخت نوٹس لیتے ہوئے فوری کارروائی کی۔ڈی آئی جی اسلام آباد نے کہا کہ پولیس فورس ایک باوقار اور ڈسپلن والا ادارہ ہے، کسی بھی اہلکار کو اس ادارے کے تشخص کو نقصان پہنچانے کی اجازت نہیں دی جا سکتی۔دونوں اہلکاروں کے خلاف محکمانہ انکوائری کا آغاز کر دیا گیا ہے اور اس کے بعد مزید کارروائی عمل میں لائی جائے گی۔
