بانی پی ٹی آئی اور محمود اچکزئی کی دوستی زیادہ نہیں چلے گی، اختیار ولی

اسلام آباد (پی این ایچ) وزیراعظم کے کو آرڈینٹر اختیار ولی خان نے کہا ہے کہ بانی پی ٹی آئی اور محمود اچکزئی کی دوستی 2 ماہ سے زیادہ نہیں چلے گی۔ایک انٹرویومیں انہوںنے کہاکہ پی ٹی آئی کے کچھ لوگوں نے اسپیکر قومی اسمبلی کے سامنے محمود اچکزئی کی تعیناتی پر تحفظات کا اظہار کیا تھا۔انہوں نے کہا کہ بانی پی ٹی آئی سمجھتے تھے کہ حکومت محمود اچکزئی کی تعیناتی سے پیچھے ہٹ جائے گی، پی ٹی آئی والوں کو محمود اچکزئی کی تعیناتی پر مبارکباد دیتا ہوں۔ایک سوال کے جواب میں اختیار ولی خان نے بتایا کہ کچھ لوگوں کو یہ ہضم نہیں ہورہا تھا کہ بانی پارٹی کو چھوڑ کر کسی اور کو عہدہ دیں۔انہوںنے کہاکہ کچھ لوگ سمجھ رہے تھے بانی کا پارٹی چھوڑ کر کسی اور کو عہدہ دینا ان کی تضحیک ہے اور بانی پی ٹی آئی کے باہر سے بندہ امپورٹ کرکے ان کے سر لگا رہے ہیں۔انہوںنے کہاکہ پی ٹی آئی کے کچھ سینئر رہنماؤں نے اسپیکر کے سامنے اچکزئی کی تعیناتی پر تحفظات اور ان پر عدم اعتماد کا اظہار کیا تھا۔اختیارولی خان نے کہا کہ پی ٹی آئی خیبرپختونخوا میں سڑکیں بند کرسکتی ہے لیکن اس سے باہر نہیں، وہ صوبائی حکومت چھوڑ دے پھر ایک جلسہ بھی کرکے دکھا دے، صوبائی حکومت کے وسائل احتجاج کے لیے استعمال کیے جاتے ہیں۔انہوںنے کہاکہ پاکستان کے ڈیفالٹ کی باتیں کی جاتی تھیں لیکن آج صورتحال بہتر ہے۔