چارسدہ،گیس سلنڈر دھماکے میں دو بچے جاں بحق، باپ شدید زخمی

چارسدہ (پی این ایچ) چارسدہ میں گیس سلنڈر دھماکے میں 2 بچے جاں بحق، باپ شدید زخمی ہوگیا۔ریسکیو ذرائع کے مطابق چارسدہ میں اتمان زئی کے علاقے طارق آباد میں گھر کے اندر گیس سلنڈر پھٹنے سے زور دار دھماکا ہوا جس میں دو کمسن بچے موقع پر ہی جاں بحق ہوگئے۔ریسکیو ذرائع کے مطاق جاں بحق ہونے والوں میں ایک بیٹا اور ایک بیٹی شامل ہیں، بچوں کا والد دھماکے میں شدید زخمی ہوا ہے، اطلاع ملتے ہی ریسکیو ٹیمیں موقع پر پہنچ گئیں اور زخمی شخص کو فوری طور پر قریبی ہسپتال منتقل کر دیا گیا۔واقعہ کے بعد علاقے میں خوف و ہراس پھیل گیاجبکہ پولیس اور متعلقہ اداروں نے واقعے کی تحقیقات شروع کر دی ہیں۔